20.11.2015 12:11

Nýr launagreiðendavefur opnar

Það er ánægjulegt að segja frá því að nú höfum við aukið þjónustu við launagreiðendur, með opnun nýs launagreiðendavefs. Vefurinn býður upp á einfaldari vinnslu skilagreina. Hægt er að skila inn skilagreinum í gegnum vefinn á þrjá vegu auk þess sem launagreiðendum geta sjálfir sótt sér yfirlit og séð heildarstöðu þegar þeim hentar. Stefnt er að því að loka núverandi leið fyrir rafræn skil þann 11. desember nk.

Til að komast inn á launagreiðendavefinn þurfa fyrirtæki að vera með Íslykil en hægt er að sækja um hann á island.is/islykill og fá sendan í netbanka fyrirtækisins á örfáum mínútum. Handhafi Íslykils fyrirtækis auðkennir sig inn á launagreiðendavefinn, en mælt er með því að hann gefi þeim aðila sem sér um iðgjaldaskil umboð til skráningar svo að hann geti auðkennt sig með sínum persónulega íslykli eða rafrænum skilríkjum. Á arionbanki.is/launagreidendur er að finna leiðbeiningar sem sýna skref fyrir skref hvernig nota á launagreiðendavefinn og svör við algengum spurningum. Við hvetjum þig til að kynna þér málið.

Þriðjudaginn 24. nóvember kl. 14–15 er launagreiðendum boðið á námskeið í notkun launagreiðendavefsins í höfuðstöðvum Arion banka, Borgartúni 19. Skráning fer fram á netfanginu launagreidendur@arionbanki.is. Við erum alltaf fús til að aðstoða þig og þína. Þú getur náð í okkur í netspjallinu, í tölvupóstfanginu launagreidendur@arionbanki.is, í síma 444 7000 eða komið við í útibúi Arion banka, Borgartúni 18. Nánar hér.

Þess má geta að þeir sem nýta sér launagreiðendavefinn fyrir 10. desember nk. komast í pott og eiga möguleika á að vinna morgunverðarhlaðborð fyrir deildina/vinnustaðinn sinn.

 

Til baka


10.08.2018 12:51

Sjóðfélagayfirlit

04.05.2018 14:34

Ársfundur 2018

07.02.2018 13:56

Sjóðfélagayfirlit

23.01.2018 12:14

Sjóðfélagafundur

08.09.2017 11:50

Sjóðfélagayfirlit

14.06.2017 14:51

Aukafulltrúafundur 2017

15.05.2017 11:47

Ársfundur 2017

14.02.2017 14:58

Yfirlit sjóðfélaga

09.05.2016 14:02

Ársfundur 2016

30.04.2015 11:11

Ársfundur 2015

06.05.2014 09:21

Ársfundur 15. maí