13.11.2013

Um 160 manns á fræðslufundi um útgreiðslur lífeyrissparnaðar

Um 160 manns sóttu fræðslufund Arion banka um útgreiðslur lífeyrissparnaðar sem haldinn var í höfuðstöðvum bankans í gær. Fyrirlesarar voru Arnaldur Loftsson, framkvæmdastjóri Frjálsa lífeyrissjóðsins og Inga Tinna Sigurðardóttir sérfræðingur hjá Arion banka. Meðal atriða sem farið var yfir á fundinum voru reglur um útgreiðslur lífeyrissparnaðar, samspil útgreiðslna úr lífeyrissparnaði og Tryggingastofnun og hvað þarf að hafa í huga áður en ákvörðun um útgreiðslur er tekin. Auk þess var sagt frá Lífeyrisgáttinni sem er nýjung á íslenskum lífeyrismarkaði og Stöðugreiningu lífeyrissparnaðar sem er einstök nýjung í vöruframboði Arion banka.

Það var sérstaklega ánægjulegt að sjá hversu margir komu að máli við ráðgjafa eftir fundinn og lýstu yfir áhuga sínum á því að nýta sér Stöðugreininguna, en með henni öðlast sjóðfélagi á aðgengilegan hátt yfirsýn yfir heildarstöðu lífeyrissparnaðarins og áætlaða stöðu við starfslok. Jafnframt fær hann upplýsingar um hvernig hagstæðast sé að standa að útgreiðslum með það að leiðarljósi að hámarka þær.

Vegna mikillar eftirsóknar þurfti að loka fyrir skráningu á fundinn en til að bregðast við áhuga sjóðfélaga verður annar fræðslufundur um sama málefni haldinn þann 28. nóvember í Borgartúni 19. 
 
Skráning hér

Til baka