18.03.2020

Lífeyrisþjónusta aðlöguð aðstæðum

Lífeyrissjóður Rangæinga leggur áherslu á að tryggja öryggi sjóðfélaga og starfsfólks og sporna við frekari útbreiðslu Corona veirunnar. Sjóðurinn er vel í stakk búinn til að tryggja sjóðfélögum góða þjónustu við breyttar aðstæður.

Sjóðfélagar geta framkvæmt flestar aðgerðir á Mínum síðum sem eru aðgengilegar á lifrang.is eða í gegnum Netbanka Arion banka. Tímabundið er móttaka sjóðfélaga á Suðurlandsvegi 3 á Hellu/í höfuðstöðvum Arion banka, Borgartúni 19 lokuð, en lífeyrisráðgjafar geta leyst úr flestum fyrirspurnum í síma 487 5002 og 444 7000 eða tölvupósti á lifrang@lifrang.is. Ef erfitt reynist að ná inn í gegnum síma má óska eftir símtali með því að senda tölvupóst.

Starfsfólk óskar sjóðfélögum velfarnaðar og leggur áherslu á að afgreiða öll erindi eins skjótt og kostur er, en aðstæður gætu þó leitt til þess að afgreiðsla taki lengri tíma en ella.

 

Til baka